emmental …

Photo & Video Sharing by SmugMug

Photo & Video Sharing by SmugMug

vo schache zu schache
am ämmebett nache
uf matte u wäge
am bach zdüruf
vo schache zu schache
am ämmebett nache
ar quelle entgäge
uds härz geit dir uf

blib stah, hock di häre
a d`ämme , die schwäre
gedanke la se si
u bis eifach hie!
und jetzt, jetzt hoksch da
u d `zyt blibt dir stah

du wosch nume no si
u gäu, s hudlet di chli
wo de merksch, du u d`ämme
dir ghöret ja zäme

u jetzt chasch se gspüre
si fliesst dür di düre
u der luft fahrt dir chüehl
übers gsicht und es gfüehl
vo abschied, vo verla
vo mau müesse ga

vo schache zu schache
am ämmebett nache
uf matte u wäge
am bach zdüruf
vo schache zu schache
am ämmebett nache
ar quelle entgäge
uds härz geit dir uf

tinu heiniger aus „ämmelied“

Advertisements